IKINYARWANDA CY’UMUNYAMWUGA

Iyi mbumbanyigisho irasobanura ubumenyi n’ubushobozi bukenewe kugira ngo uwiga ashobore Gukoresha ikinyarwanda cy’umwuga mu kumva, kuvuga, gusoma no kwandika, mu bikorwa bijyanye n’umwuga we; Gukoresha ubuvanganzo gakondo mu gushyikirana n’abandi abagezaho ibitekerezo bye kandi agaragaza uko yakira ibyabo; Kugaragaza imyumvire n’imyifatire ikwiye agenda avoma mu myandiko n’ikinamico binyuranye; Gutandukanya ingeri zinyuranye z’ubuvanganzo nyarwanda; Guhanga no kumurika mu rurimi rw’ikinyarwanda afatiye ku ngeri zinyuranye z’imyandiko; Gusobanura intego n’amategeko y’igenamajwi by’izina mbonera; Gukoresha neza indangahantu no Kwandika yubahiriza ifatana n’itandukana ry’amagambo.